سمن بلدي

المكان ميدان التحرير الزمان الستينات الوقت الساعة 2 الظهر وسط تدافع الموظفين الخارجين من مجمع التحرير في الوقت دة مع الزحمة الطبيعية في ميدان التحرير كمين شرطة لضابط وقف لوري كبير ونازل تلطيش في السواق دة يضرب والسواق بيسترحمة علشان يسيبه ودار الحوار الاتي
الضابط : الصفايح دي موديها علي فين
السواق : والله ماليا زنب يا سعت الباشا
الضابط: اخرس يا حيوان الصفايح دي فيها ايه
السواق : سمن بلدي يابية
الضابط: رايحة فين
السواق : المنصورة يا بية
الضابط : نزل صفيحة
السواق حاضر يا باشا
الضابط افتح الصفيحة الله ده صحيح سمن بلدي وبعدين الصفيحة اخدت سبيلها في وسط الحشود الغفيرة وطالتها الايادي والافواه
الضابط : بقي يا ولاد الكلب الحكومة تستورد السمن البلدي وانتم تبعوها في السوق السودة السمنة دي لازم تتصادر
رد احد افراد الشعب المطحون وقال للضابط يا باشا السمنة دي مش رايحة للشعب ادي الشعب اهو هو اللي احق بيها احنا نبعها للشعب دلوقتي واقل من التسعيرة جنية
سكت الظابط وتعالت الهمهمات في جموع الشعب تطالب بالبيع الفوري المهم نزل الضابط علب راي الجماهير وفي ظرف دققتين كان الشعب اشتري العربية كلها
روح غبد الحفيظ افني لبيته وهو يتطاير فرحا ممسكا الحرنال في ايد وكنز السمنة البلدي في ايد وبكل فخر هاتي الفتاحه يا تفيدة وهب افتح يا عم ويلاقي الصفيحة مليانه مية
وفعلا اشتري الشعب السمنة البلدي المستوردة ومحدش وقف يسال نفسة لحظة ان السمنة البلدي بلدي يعني من البلد يعني من جوة يعني صنع في مصر وعمرنا مستوردناها وسلملي علي المترو

ممدوح اسماعيل والحاكم بامر الله

اصدر الحاكم بامر الله فرمان سلطاني بمنع اكل الملوخية طبعا الناس تلقت هذا الفرمان بدهشة غريبة وانقسم الناس ما بين مؤيد تايد كامل وكان اسبابهم ان الملوخية بتجيب اسهال ومش دايما بتكون نظيفة وان الحاكم بامر الله بحكمتة المعهودة وبعد نظرة بيحافظ علي صحة الناس وعرف الخطر ومنعة والمعارضين بشدة فندوا الراي ده طبعا لان التقرير الطبية مااكديتش ده وان دة اعتداء علي الحرية الشخصية وتحقير لعمومو المصرين وحقهم الطبيعي في اكل الملوخية وفي وابتدي الموضوع تاخد منحني اخر الشعب اطلق اسم الملوخية علي عدد اسواق شعبية في انحاء المحروسة وابتدا ينشأ سوق سودة للملوخية وظهرت طبقة جديدة من الاغنياء سموا اغنياء الملوخية وقعد الفرمان ساري فترة طويلة او قصيرة مش مهم وبعدين رجعت الامور لطبعتها ومحدش عرف سبب اللي حصل وان دارت اقاويل ان السبب الحاكم بامر الله اكل اكلة ملوخية وتقل شوية جاله اسهال ولما بطنه مسكت فكها علي الناس بس خلاص

مين اللي يمشي الحق ولا الباطل

يحكي ان الحق والباطل كانوا ماشين جنب بعض لغاية لما لقوا حمار قوم ايه الحق قال انا لازم اركب الحمار رد الباطل وقال لا انا الاحق المهم كلمة من اليمين كلمة من الشمال قالوا نحم الناس مروا علي جماعة فلاحين علي عمال علي افندية كلهم قاعدين علي قهوة وسالهم الباطل ايه اللي يمشي في الباد دي الحق ولا الباطل كلهم ردوا بربطة المعلم في نفس واحد وبعلو الصوت طبعا الحق هو اللي يمشي ومن يومها الباطل راكب ومدلدل رجلية

انا كنت قاعد بتابع حلقة مني الشاذلي بتاعة موضوع العبارة والحكم اللي اتاخد وبحضور الاطراف جميعا محامي ممدوح اسماعيل وحمدي الطحان ودكتور محمد الله يكون في عونه وحقيقي تابعت الحلقة كلها وانا هنا مش حتكلم في موضوع العبارة او الحكم اللي صدر ولا اي حاجة من دي انا عندي ملاحظة تانية لو تبعتم الحوا ر في الحلقة دي وفي جميع الحلقات المشابهة وبرامج الحوار التانية حتلحظوا ان في دايما اراء مختلفة وان كل واحد مقتنع برأيه تماما وكل اللي يهمه ان الطرف التاني يقتنع برأيه حتي انه مش بيحاول يفند الراي ولا يناقشة و لا يشوف اذا كان في حتي جانب صحيح ممكن يكون ارضية مشتركة نبدأ منها علشان نوصل للحقيقة دة مش موجود زي المستحيلات التلاته طيب ننقل علي الحورات الدينية نلاقي نفس المشكلة بالظبط كل حاجة فيها اكتر من راي وده وارد وكان زمان بيقولوا ان ممكن ناخد اي راي من المذاهب ويبقي حلال لان كلها اجتهادات لكن دلوقتي لا دة رايه صواب لا يحتمل الخطأ والتاني رأية خطأ ولا يحتمل الصواب والله يرحم كل الائمة الكبار
السؤال هنا ده راجع لايه هل لان احنا عندنا مشكلة في التربية ونظام التعليم اللي في الاخر بيوصلنا لطريقة التفكير دي ولا ده عادة وطبع متوارث صعب تغيره ولا غضب من ربنا علينا او ممكن يكون قلة حريه نتج عنها عدوي دكتاتورية في جميع الاشخاص علي جميع المستويات وممكن يكون لازم نتربي كلنا من اول وجديد
وربنا لما وزع العقول كل واحد استكيف بدماغه ولما وزع الارزاق مدش عجبة رزقه وعجبي

اول بوست

انا واحد مصري زي كل المصرين وبقالي اكتر من سنتين بتابع المدونات وبلاقي كنز من المشضاعر الانسانية والخبرات والافكار فيها لكن طول الفترة دي مجربتش اكتب برغم حبي الشديد للقراءة وللعالم ده وفعلا عملت المدونة دي من حوالي اربع شهور بس اخدت وقت طويل علي معملت البوست ده واتمني ميكنش الاخير